Bizim istiqlal…

Istiqlalçı deputatlar

…Amma bu istiqlalın adı bizimdir

«İstiqlal» bir millətin azadlıq eşqi. Biz ötən yüz illik boyunca parçalanmış Vətənimizin quzeyində millət olaraq iki dəfə bu eşqi dadmışıq. 1918-ci il mayın 28-də Türk-İslam dünyasında, bütövlükdə şərqdə ilk demokratik respublika qurulub. İki il ömrü olan bu respublikanın süqutundan 70 il sonra 1991-ci ilin 18 oktyabrında II dəfə öz İstiqlalımızı, yəni Dövlət müstəqilliyimizi əldə etmişik. Çətin, ağır günlərdən üzü ağ çıxaraq Xalqımızın  iradəsi və  o vaxtkı Ali Sovetin 25 nəfərlik «Demokratik Azərbaycan» Blokunun üzvlərinin səyi, 43 nəfərin səsi ilə müstəqil olduq. Şərqdə, İslam dünyasında ilk xalq cümhuriyyəti qurmuş bizlər yenidən belə bir arzuya qovuşduq. Qəddar sovet imperiyasının əsarətindən 70 il sonra qurtulduq. Bu İSTİQLAL  bizim sevincimiz, qürurumuz və qeyrətimiz, namusumuzdur.

Advertisements

Istiqlalın tərəfdarları və əleyhdarları

İstiqlalçı deputatlar…

İstiqlalçı deputatlar…

1. Ixtiyar Şirinov- keçmiş baş prakror, MKP sədri
2. Firudin Cəlilov- keçmiş Təhsil naziri
3.  Dilarə Əliyeva- mərhum jurnalist
4. Füzuli Axundov
5. Aydın Məmmədov
6. Əyyam Musayev
7. Vaqif Novruzov
8. Vahid Əhmədov- millət vəkili
9. Ramiz Fətəliyev

İstiqlalçı qadın…

Istiqlalçı deputat Məryəm Həsənzadə

Məryəm Həsənzadə, Sənin kimi Ana ilə qürur duyuruq!

Məryəm Həsənzadəni hamı İstiqlalçı deputat kimi tanıyır. Onun adı Azərbaycan tarixinə qızıl hərflərlə yazılıb. O, 18 oktyabr 1991-ci ildə Azərbaycan dövlət müstəqilliyinə səs verən 43 nəfərin içində iki qadın deputatdan biridir.  Bəzi kişilər qorxusundan müstəqilliyin əlehinə səs verəndə, məhz o Ana qüruru ilə İstiqlala kişi kimi səs verdi.

Məryəm xanım 1990-cı illərin məşhur “Demokratik Blok” adlanan fraksiyanın 25 üzvündən biri olmaqla, Ali Sovetin məşhur 4-cü mikrofonunda ilk çıxış edən deputatdır. Bu günkü Siyəzən rayonunun təşkil edilməsində onun xidmətləri əvəzsiz və danılmazdır. Rayon məhz onun təklifindən sonra yaradılıb.

O,  bu gün Siyəzənin Gənclik adlanan qəsəbəsində yaşayır – yataqxana binasının dördüncü mərtəbəsində. Təxminən 12 kvadratmetrlik balaca bir otaqda. Otağın qarşısında isə, daha doğrusu, mənzilin girəcəyində 2 kvadratmetrlik darısqal mətbəx var…

Vəssalam, İstiqlalçı deputatın yaşadığı mənzil bundan ibarətdir.

Əsgərin öldürən ölkə!

Azərbaycan əsgəri

Bir ölkədə 9 ayda 73 əsgər dünyasın dəyişirsə, özüdə onun 64-ü qeyri-döyüş şəraitində dünyasını dəyişibsə, o ölkənin müdafiə naziri istefa verməlidir.

Azərbaycanda hər şey qarmaqarışıqdı. Məsələn, boks çempionatı keçirib erməniləri Bakıya dəvət edəndə hakimiyyət sülhdən danışır, Bəxtiyar Hacıyevin çağırışçı yaşında olarkən Harvardda təhsil almasına gəlincə isə bunu «müharibə aparan ölkədə böyük xəyanət» kimi qiymətləndirirlər. Yaxud «Eurovision» yarışmasının şənliyini Qafqazın lider dövləti kimi qeyd edirlər, iqtisadi-siyasi islahatlara gəlincə «biz müharibə vəziyyətindəyik» kəlamı yada düşür. Bir sözlə həqiqət hər zaman Azərbaycanda iqtidarın işinə yarıyan şəkildə libas geyinir.

Unversitetlərdə LİKE dərsləri…

Hamı və hər kəs bilməlidir ki,  LİKE nə qədər cox olarsa elmimiz və təhsilimiz hec vaxt basılmaz.

Bakı Dövlət Unversiteti (BDU) ilə Azərbaycan Dövlət Neft Akademiyasının (ADNA)  tələbələri  elm və təhsilimiz üçün nə qədər faydalı və vacib olan bir sahə üzrə yarışa giriblər.  Yəni, elm öyrənmək, kitab oxumaqdan daha vacib sayılan LİKE yarışlarına qatılıblar. Elmimizin inkişafı üçün faydalı olan bu yarışmada ADNA-lılar öz elmi bacarıq və bilikləri ilə BDU-luları üstələyiblər. Yəni, bir daha aydın olub ki, ADNA-nın professor, müəllim heyəti bu elmin sirlərini öz tələbələrinə əzmlə aşılayıblar. Bunun danılmaz sübutu və nəticəsidir ki, BDU yarışmada yenilib. ADNA tələbələri Azərbaycan elminin zirvəsi olan BDU-nu udublar. Aydın olub ki, LİKE yarışları üçün mütəxəsis hazırlğında ADNA cox irəli gedib. Onlara Neft tapmaqdan, yaxşı mühəndis olmaqdan başqada, LİKE elminin sirlərini hörmətli Siyavuş müəllim öyrədib. Belə nəticə hasil olur ki, hörmətli BDU rektoru Abel müəllimin başı Milli Məclisdə qanun qəbulna qarışdığı üçün o, tələbələrinə LİKE elminin sirlərini  yaxşı aşılaya bilməyib.  Unversitetin “Azad” Tələbə Həmkarlar Təşkilatın mın tələbə güdən qrupu isə məyus olaraq istrfa verib. Onlar tələbələri bu yarışma üçün güdüb rektorluqa LİKE yarışmasında BDU-nu LİKE etməyənləri deyə bilməyiblər.  (Yəqin ki, BDU-nun bəzi “satqın” tələbəi ADNA-ya LİKE veriblər)